Од се по малку

Неодамна прочитав една статија на поприлично популарен и читан веб портал, кој според моето мислење и ставови нема врска со реалноста.

Текстот е нешто како упатство за користење на македонските мажи, од женска гледна точка, бидејќи Македонецот е многу комплициран и уникатен. 

И мислев ќе прочитам  нешто  што навистина ќе може да се искористи како искуство, но освен личниот живот на девојката во кој објаснува како многу прошетала и се запознала со многу луѓе, немаше ништо паметно.

Џабе некој рекол дека човекот учи додека е жив, осебено кога се во прашање луѓето, нивниот карактер, личноста и навиките.

натите.

Но нема да се занимаваме со младата девојка која го напишала текстот, туку со она што е напишано.

Во Македонија не се флертува.А според напишаното флертот води кон страсен бакнеж, секс за една вечер или врска, сè зависи од начинот на кој флертувате.

Ако прочитате во речник објаснување за овој збор,тогаш ќе сфатите дека неговот значење е сосема друго.

Не постои човек кој не флертува.Свесно или несвесно сите ние го користиме флертот, кој ако се искористи како што треба нуди многу повеќе отколку секс за една вечер.

Behave as though attracted to or trying to attract someone, but for amusement rather than with serious intentions

Флеротт е однесување кое се користи за да се добие или привлече нечие внимание, и е повеќе за забава отколку што има некои сериозни намери.

Ако ова се сфати онака како што е опишано тогаш во право сум дека сите ние флертуваме, без разлика дали сме стари или млади, сами или имаме партнер.

Се флертува во продавница, се флертува во диско,некој клуб, се флертува секогаш и секаде.Се флертува и на интернет, особено со појавата на социјалните мрежи.

Зар не Ви се случило да флертувате со шанкерот во преполна дискотека само за да добиете чаша вода!?!?!

Или во продавница за да успеете некако да добиете одговор за парче гардероба кое Ви се допаѓа.

Флертот не  е теорија, неможе да се објасни секогаш.Тое е нормално меѓуполово однесување, позитивно дружење, понекогаш и без зборови.

Тој е поглед, насмевка, допир, гестикулација, различен тон на гласот, манир.....

Флерот може да заврши онака како што и започнал.Само со поглед.

Но може да биде и почеток на некое пријателство или врска.Може, но не и отпочува.

Заведувањето е она кое води кон бакнежи,страст и нешто друго.

А она дека мажите,односно момците во Македонија не флертуваат и не комуницираат со спротивниот пол, е малку прегрубо кажано и генерализирано.

Мојата другарка ме праша што има лошо во тоа што е напишанао така, кога реалноста е скоро еднаква.Каде да запознаеш фино момче,ги нема?!?!?!

Мојот одговор е дека може да се каже дека нема фини места за излегување, па затоа ги нема ни фините момци, па и девојки.

Сликата за забавниот, ноќен  живот е прилично сиромашна кога се работи за изборот.

Или  има дискотеки кои во главната програма ги имaт впишано најпознатите турбо-фолк ѕвезди од северот или пак некои ДЈ кои пуштаат една иста музика во последните 10-15 години.

Ретко може да се најде културно место каде нема да ве буткаат, газат и тегнат.Место каде музиката е со ритам на кој навистина може да играте наместо да се клатите или  цела вечер да Ви бидат рацете во став: ја обожавам песнава,ме гаѓа во срце.....

Клуб каде ќе седнете или ќе застанете на шанк, без да Ви се залепи некоја запотена мишка, од синтетичката кошула која е хит модел за сезоната.

Е тука не постои флерт и ќе се согласам со младата дама, но го нема затоа што нема како.Не се гледате, во гужва сте, рацете ви се зафатени за да не Ве буткаат.Наместо да се смеете, се мрштите и се прашувате што правите.Само колку да се излезе и да не се биде дома???

Па и за флертот е потребна некаква атмосфера.

А ако отидете на место каде светло може да се начека само од бандерата надвор?Нити ќе видите некого, нити ќе бидете видени.Со кога да флертувате, кого да запознаете?

Може по грешка цела вечер да се смеете и да праќате погледи на закачалката бидејќи во темница може да заличи на нечија силуета.

Неможе да се каже дека момците во Македонија се ќутуци кои незнаат да пријдат на некоја девојка, не флертуваат и  не комуницираат.

Но може да се каже дека имаме ист проблем и во двата пола.

Имате девојки кои повеќе време ќе изгубат во подготовка, отколку што ќе му посветат на некој внимание.

Обично девојките се тие кои ќе ве игнорираат пред да им се се доближите или пак да започнете разговор.

Монтирани, нашминкани, во кратки сукњи и фустани, со штикли купени во кинеска продавница, цела вечер офкаат и пуфкаат бидејќи ги стегаат и едвај стојат, шират радиација и може и да Ви засветат во зелена нијанса, ама не разговараат со Вас ако не сте минимум некој менаџер.А ако е Ваша дискотеката или сте газда на кафулето,е тогаш го имате загарантирано вниманието кое го сакате.

А момците...Мора да е згодна, убава, ќерка на позната фаца, без разлика дали е политичар или некој бизнисмен.

Ова се однесува на т.н. крем или шема во градот.

Сите се шема, одат на шема места, носат шема гардероба.

Секое излегување си поминуваат јако, најако.

Затоа, проблем се нормалните места за нормалните луѓе.

Оние кои не сакаат турбо-фолк,клаберски ритам и шема дискотеки, немаат избор.

Или дома или приклучи се кон останатите.

Се на се, неможе да се обвини само посилниот пол.

Сите ние имаме посебна слика за тоа што сакаме и што ни е потребно.

Не сакаат сите манекенки, и не се сите девојки со Вас само затоа што имате добра кола и сопствен бизнис.

Почнав со флертот и го изнесов своето мислење за ноќниот живот и зашто е тешко да запознаеш некој кој ќе Ве привлече, и со изгледот но и со паметот.

Се е поврзано.

И за да не биде без заклучок: флертувајте затоа што тоа ја зголемува самодовербата.

И не мешајте  флерт со заведување.

Флертот е безопасен, ако знаете како да го користите.

Нова година без алкохол!?!?!?!?

Знам, ме понесе предновогодишната атмосфера порано...Си ја накитив елката,ги закачив сијаличките,исчистив...Нели,како што е редот.Па сега имам време да се занимавам со она што мислам дека не треба да се прави кога се во прашање празниците од типот на Нова година и Божиќ.
Нова година е празник кој масовно се прославува, па освен пиротехниката има уште една работа која не ја поднесувам, а тоа е алкохолот во количини кои се убиствени.
Не дека не смее да се пие, но барем да се има мерка.
Ми текнува пред две години слушнав еден разговор кој ме остави со прашалници во глава.Бидејќи не сум мајка не сакав да се мешам и да солам памет, за да не добијам одговор од каде знаеш па ти кога немаш деца, на полуписмени родители, па си преќутев.
Фала богу оваа година не дојде пијан.А малиот седмо одделение.

Па зар треба да се дозволи дете од 12 години да пие алкохол???
И ако не сте успеале тоа да го спречите кога е мал и треба да има некакова почит и страв од последиците, што правиме кога ќе наполни 18 и законот му дозволува сам да одлучува за себе.
Примери колку сакаш.Модерни родители, невоспитани деца.
Имам 28 години и сеуште не сум се опила за Нова година.

Не викам дека не сум се напила, но тоа се случило 2 пати и последиците ме научија-повеќе не.
Ај што ќе те боли глава цел ден, ама и нема да излезеш од дома еден месец.
И наместо да шеташ во петок и сабота со друштво, ќе чекаш да се јават и да ти кажат како поминале и дали ти ја  виделе симпатијата во диско.
И тоа ,ми се има случено кога бев тинејџер и никогаш повеќе.
(Не)Дозволени се такви грешки, бидејќи колку и да викаат постарите учи од туѓите, тешко е ако не почуствуваш на своја кожа.

Но внимавајте. Иако немам деца, сум поминала низ сите тие млади години кога се ти е интересно, па макар и заканите од типот нема излагање, нема нови патики, остави го мобилниот дома и заборави на компјутерот, се остваруваат секој втор месец.

Туку, не можам многу да се правам паметна околу воспитувањето на децата околу оваа проблематика , па ќе си се вратам на  алкохолот за Нова година , бидејќи се конзумира од се живо, малолетно и старо.
Ако ја видите статистиката ќе се онесвестите.
Само минатата година е нешто поприфатлива кога се зборува за бројките, но секако и тоа е страшно. Секоја има година, се помали  и помали  пациентии, кои се примаат на Клиниката за токсикологија.
Ај  што ќе се потрујат од алкохол, но такви седнуваат и зад воланот.
Па, некој внимавал и цела вечер цуцал една чаша вино или пиво, и на крај ќе заврши во Градска, затоа што некој се ``расположил``.

Секоја година, после прославата на првите вести ццкаме баш поради бројките кои ги слушаме. Дали се за малолетници кои завршиле на Клиника и не се сеќаваат како се викаат и каде биле, или пак колку лица со повреди се примени во Градска.
Но тоа не се само бројки.Сите тие се нечии деца, пријатели, роднини, колеги.
Најмалку што сакам е да завршам како статистичка бројка за Нова година.
Минатата година имаше едукативни  предавања за штетното влијание на алкохолот, особено  врз младите.

Се надевам тоа е повторено и оваа година, па вестите на први нема да предизвикаат повторен шок.
Колку за пример,најмладиот алкохолизиран имал само 14, а најстариот пациент 83.
Ама си сакале да се добро расположени.
Џабе е да се пишува дека за да си расположен не е потребен алкохол, туку луѓе.
Никој нема да те послуша.Од каде па јас знам???Нели не пијам:)))))
Но ме фаќа страв од возење баш тие денови.Не само новогодишната вечер, ова се случува и неколку дена пред и по неа. Стандардно секоја година.
Она што ќе ви го препорачаат докторите и ќе ве предупредат е дека и мало количество алкохол може да предизвика сериозни здраствени проблеми.

Ако возрасните,барем повеќето( се надевам,не тврдам) знаат да пијат и колку можат да поднесат, младите тоа го гледаат како предизвик. Ем пијат ,ем незнаат што пијат, па за да излезат најхрабри и најкул меѓу друштвото ќе измешаат се што ќе се најде.
И кога се ќе заврши, оние помалку пијаните или пак трезните, наместо да го однесат дома и да ги повикаат родителите на искусниот пијач, ќе го кријат и ќе го остават да преспие кај нив, не размислувајќи дека така прават полошо. За да не добие ќотек или казна од родителите, може да заврши фатално.
Примери има многу, а последици уште повеќе.
И да не се занесам, како што знам, ќе ви препорачам наместо на први јануари  да пиете расолница, обидете се новогодишната вечер да ја поминете со многу малку алкохол.Чаша до две:)))))))))))

Стоп за петардите!!!!!!!!!

Се ближи 31 декември.Скопје е блокирано.Што од купувачи,што од неписмени шофери, и сите оние подвижни машини со корпи (не им знам назив) кои ги користат за украсување.И се е супер...Барем оваа година навреме почнаа со монтирањето на украсните светилки и разните ѕвонци и ѕвезди.Дури и гужвите по продавниците и поголемите маркети,ако сте добро расположени и го сакате ова ова време од годината, нема да ви пречат.
Но она што сигурно ќе Ви го поремети шетањето низ центарот на Скопје, и мирниот сон се петардите и сите придружни пиротехнички глупости. Секоја година иста песна.
На раскрсницата кај Мавровка, додека чекате да се запали зеленото светло ќе ви дојдат минимум 4 малолетници кои нудат петарди. На пазарите,без исклучок,продаваат божем, скришно.
Жижици, пиратки, т.н.петарди-бомби и уште многу други пуцкави тракатанци,на кои сум им заборавила име. Има се!!!
Знаете, сте виделе.
И секоја година и покрај кампањите, и повикот на полицијата, барањата на некои умни родители, предупредувањата на професорите и наставниците, пак џабе.
Ги има и ќе ги има.
Полицијата ќе ги заплени, тие ќе прошверцуваат нови. Но и оние запленетите не се уништуваат во целост. Секогаш ќе се најде некој попаметен од другите, полицаец, па ќе земе една кутија за син му.Не дека ќе го остави сам да ги пали, тој ќе биде со него додека малиот се прави фраер пред другарите.

Или оние ептен совесни татковци, сами ќе одат на пазар или на некоја раскрсница и ќе купат за синовите, бидејќи овие им ветиле дека нема да ги носат на училиште и никако нема да ги палат петрдите без нивна дозвола.Како да не!?!?!?

Ама  децата немислат, бидејќи, нели со закон до 18 години, родителите треба да мислат за нив.А вториве, помали деца и од децата.Знаат и тие да носат некоја петарда во џеб, за на работа, па на пауза или  додека пушат цигара ќе ја исплашат колешката што  не сакала да го замени минатиот работен викенд. Или само ќе се забавуваат со останатите будали како него.Бидејќи да ти пукне петарда по нозе и да се извадиш од памет е многу смешна работа.

Уште некој ден ќе биде и невозможно да се шетате на раат низ Центар, зашто масовно ќе започне шиткањето на овие забавни зезалици. Барем така е секоја година и не гледам по што оваа би се разликувала од останатите.

Ќе се штрекаме, ќе кажеме некоја пцовка, некогаш во себе,но и на глас.И ќе дојде 31....Е тука веќе имаме проблем.Тешко на оние кои ќе бидат на градскиот плоштад или пак станарите кои во соседниот стан ќе имаат  новогодишна журка на малолетници,а богами поголемиве не се папаметни.Знаете дека во зграда, појако е чуството кога ќе пукнете петарда.Ви е гајле за останатите..Важно да се направи меракот.

Мене, искрено може некој пат срце да ме фати.Ама па мајка ми вика многу сум била б`злива, па јас не се бројам.

Како и да е, ако сте родител не паѓајте на барањата од типот : и татко му на Стефан му купи петарди,сакам и јас.Ако сте професор казнете ги оние кои носат на училиште разна пиротехника и повикајте ги родителите.Полицијата нека започне од денес, секој ден да лови т.н шиткачи, и нека не носи по дома некоја петарда.Сите да се уништат. И медиумите нека започнат уште вечерва со бесплатни кампањи и емитување на спотови кои , ако до сега не сте се убедиле дека овие, навидум безопасни  пукалици, се најголемото предновогодишно зло кое може да му го дозволите на Вашето дете,можеби ќе ве убедат.
Она што е најважно ќе се спречат многу поголеми катастрофи-Вашето дете нема да  остане без око, некој прст,  или  да добие гадна опекотина.
Фотографии од ове последици не ставам,бидејќи можете и да си замислите што може да се случи со Вашето или некое друго дете ако дозволите да си играат со петарди.

Не знаеш од каде да почнеш?????

Не знаеш од каде да почнеш е еден од слоганите на мобилниот оператор ВИП....
И јас незнам од каде да почнам, па затоа ќе пишувам онака како што ми течат мислите...

Сигурна сум дека повеќето од Вас ги имаат гледано рекламите, бидејќи се емитуваат секој ден, на скоро секоја телевизија. Особено ме иритира последната реклама, иако не е прва со таква содржина.

Она што ме чуди е како до сега никој  јавно не изреагирал, особено родителите...или можеби реагираат,но јас не сум видела ниту некаде прочитала. И каде е Советот за радиодифузија???

Еве ја рекламата која со нејзината содржина, мислам дека може да влијае само погрешно врз младите:

Имате 15-16 години, сте ја излажале Вашата мајка дека ќе преноќите кај другарката, а наместо кај неа Вие сте со полуголи со Вашиот дечко!!! Не знаете од каде да почнете??? Па тука е ВИП, и за 0 денари можете да ја побарате вашата другарка да ја оправи работата што двете сте ја утнале-кој повеќе,кој помалку...На лагата кратки и се нозете, а мајката секогаш знае.

Можеби не сум родител, и не сум до толку стручна  да пишувам на оваа тема, но сум била тинејџер и знам како мојата мајка ме воспитувала... Па затоа ќе си дадам за право да реагирам на ваквите содржини.

Зар не е срамота, и нели е премногу вулгарна оваа реклама? Јас ќе кажам да,бидејќи девојчето на рекламата не верувам дека има повеќе од 16 години...Зар ова е пораката која сака да ја испрати ВИП до своите и идни клиенти!?!?!?!?!?....Еве пример како вашите деца да лажат за  0 денари...

И никој не реагира..А уште пострашно е што ова не е прва реклама во која главна тема е манипулација и лажење..

Еве уште неколку примери како да ги излажете професорите, вашите момчиња и девојки, како да му се изнасмеете на вашиот другар бидејќи незнае да се додворува. Има реклама во која малолетници пијат алкохол среде бел ден, и сето тоа поминува  онака глатко, без никој да реагира.Ниту родители, ниту професори, психолози, психијатри, медиумски експерти, Советот за радиодифузија....

Тука може да се научи како да му се потсмевате на вашиот пријател,бидејќи      Вие,нели сте поголеми фраери од него 

А овде пак може да се каже дека за џабе оваа држава фрла пари на реклами во кои не учат дека алкохолот е штетен.Ако сакате да бидете ВИП,ќе го конзумирате цел ден,секој ден

Има премногу оператори, па во трката за подобра реклама и за да бидат поинтересни, не внимаваат на основните вредности, го забораваат моралот.Можат да снимат реклама која има поучна содржина, или барем нека се потрудат да ги избегнуваат ваквите реклами кои се косат со се она што еден родител го учи своето дете.

Наместо да смислуваат сами, подобро е да си го сменат тимот кој е главниот мозок за ваквите реклами, и нека препишат од некој кој знае подобро.
Плагијат би им простиле, за замена на рекламите во кои главната поука е ЛАГАТА.

Еве уште некој пример

Можеби некои од рекламите се стари, но заедно со најновата која може да се погледне и на ФОХ, мислам дека ја постигнав поентата.
И да не ги заборавиме оние од Советот. Донесоа Правилник кој е за заштита на малолетната публика од програми што можат штетно да влијаат врз нејзиниот физички, психички и морален развој.
Иако неможев да прочитам ништо за рекламите, сепак мислам дека оние со содржина каква што можевте да видите погоре, спаѓаат во програма која влијае врз младите.
Можеби ништо ново на нашиот медиумски простор, за некого и не толку страшно, но мора да се започне од некаде.Ако веќе е донесен правилник, нека се почитува.
Ќе глумиме модерни, прошетани луѓе и ќе кажеме дека рекламава не е  толку вулгарна .Напротив, јас се срамам кога ја гледам.

П.С.

Љубовта е икона, багослов, радост
Таа е верба, надеж
Некогаш е тажнa, а најубаво е да е среќна
Љубовта е ништо, а сепак е се
Огнена е, но пази се да не те  изгори
Со неа сум слободна, но многу внимателна
Те прави горда, има и нема морал,
се појавува суета
Љубовта е празна, тивко ветре, но ме исполнува
Гневна е, но јас сум смирена
Знае да биде мачна, а јас сум задоволна
Мистерија, непредвидлива горчина и слатко воодушевување
Музика на умот, состојба на мирување.
Љубов е да сакаш,
не сакам да мразам.
Љубовта е восхит, но пази се од презирот
Љубовта сме јас и ти, засекогаш, заедно
Љубовта сме ние, и никогаш помалку.

п.с.За нас

Јас имам талент,или јас живеам во луд свет?

Гледав и уште се чудам!
Какво шоу.Опасно,лудо,ненормално,ама добро извежбано.
И си размислувам.Ова го прават за слава и пари,не ми изгледаат дека се нормални.
Или пак ептен се нормални,ама нашле начин да го сторат ова и пак да останат живи.
Ги земаа парите,станаа славни познати,а за малку некој ќе останеше без глава.

До каде оди човечката глупост и лудост.
Во дефиницијата за лудост ќе видите дека е опишана како фраза која луѓето ја користат за да објаснат различна состојба на умот.А онаа научната вели дека лудите не можат да разликуваат и да направат поделба  на доброто и злото.
Овие би ги ставила во првата дефиниција,бидејќи нивната ментална состојба можат да ја разберат најверојатно,ним слични.Јас не!
Но тоа ми даде поттик да размислам на што се сме спремни .Да си го ризикуваме животот,да се ставиме во опасна ситуација која има исто такви последици,да дозволиме да бидеме повредени,физичи,а потоа и психички.
Зашто сме такви ?Која е суштината на ваквите постапки?Да станеме славни и познати,да добиеме некаква си материјална сатисфакција.Не сме сите доволно паметни за да измислиме нешто што би го сменило текот на човештвото и да ни го читаат името во некоја историска книга за 100,200 години,па ќе гледаме да бидеме единствени со некоја глупост.
Да се стори било што,по секоја цена ,само за да се оправда постоењето на овој свет.
Многу почеста е појавата каде останатиот свет е ставен во опасност,само за да се добие некаво лично признание.
За многумина е тоа глупост и лудост,но не за џабе се рекло дека тоа се  најсигурните извори на приходи.

Алберт Ајнштајн рекол: Постојат две бесконечни нешта. Вселената и човечката глупост. Ама за вселената не сум сигурен дека е толку голема.

Дали е ова храброст?И кога храброста преминува во лудост?

Лудоста кај индивидуите е нешто ретко – но кај групите,партиите, нациите и епохите, таа е правило.
Фридрих Ниче

Можеби и лудоста е нормална кога целото општество е лудо?Какво место станува овој свет во кој  живееме?

Тука сме на кратко,патници кои само земаат здив од долгите патувања.Сите ние сме одраз  на начие  минатото,но во поинакви услови.

Како сакаме да го искористиме времето кое ни е дадено?

Само прашалници,точни одговори најверојатно не постојат.Барем не еден ист одговор кој ќе важи за сите нас.

Затоа јас го одбрав мојот:

Кога светот ќе полуди, човек мора да го прифати лудилото како здрав разум, бидејќи разумот крајно не е ништо друго освен лудило на кое се согласил целиот свет.
Џорџ Бернард Шо

Скопје-едно големо С !?!?!?

Градоначалникот на Охрид ќе воведува такса за сите туристи кои ќе влезат во Охрид?!?!
И оние што се решиле да го посетат овој град ќе бидат вратени,бидејќи и онака цените им се премногу високи, а услугата....мислам дека сите ја имаме почуствувано.
Не дека моето мислење е важно, но ако сакаат Охриѓани да го направат својот град вистинска туристичка атракција нека престанат да градат згради, во кои станари се само, или повеќето од нив, жители од другите градови.Така ќе се полнат апартманите, па и хотелите. 
А собите (апартмани на охридски) средете ги од парите кои сте ги заработиле оваа сезона. Доста веќе со намештај (мебел) од мираз, затворен со шајка бидејќи таму си  ги чувате ќебињата и јамболиите. Догодина подобри услови, повеќе гости.
Хотелите нека не наплаќаат како да сме на француска ривиера.Охридско езеро не е море!
Услугата по рестораните, кафулињата, плажите подигнете ја на ниво на кое ви се цените.
Не може еден ден во Охрид да ме чини колку ден во Турција, во хотел каде што имам се што е потребно за еден пристоен одмор.
Градете хотели со базени, необичен изглед, модерни и луксузни, па наплаќајте ги со сегашните цени.
Ставете канти за отпадоци по цела чаршија. Јас може си го носам хартивчето во рака додека не го начекам првиот контејнер, но сите не се будали како мене.
Кутиите за струја ,клупите и жардињерите моментално ви изигруваат канти?!?!?!

Туристите доаѓаат со своја храна,не трошеле пари и оставале само отпадоци зад себе?
Тоа е само Ваша вина.Проблемот барајте си го во себе, не во туристите. Не се таксите решение.
Само ќе ги избркате и онака малкуте туристи.
И да се вратам на она што ми беше на ум,а ме испровоцира новоста со таксите и причината за истите.
Сакам да прашам зашто во Охридска Банка, во Скопје, работат само Охриѓани????
Eкономиситите од Скопје незнаат?!?!?!
Па нели тие доаѓаат тука ( се мисли на младите, па и постарите од цел
а Македонија?!) ни ја земаат работата пред нос?
Не само Охриѓани.Во Скопје е собрана цела Македонија.
Само тука имало работа за нив.Е па не може да завршиш Земјоделски факултет и да работиш во Скопје.
Тука не се живее од земјоделие.Инвестирај го своето знаење во местото од каде доаѓаш.Тешко е, знам. Но тоа не е решението. Дојди во Скопје, работи за 300 денари дневница.
Прво ја симнувате цената на работната рака бидејќи ве има премногу.Не може да се најде работно место за секој во еден град.
Оди  во Охрид летно време, работат млади од  Дебар, Радовиш,па и од Берово,а Охриѓани во Охридска Банка.
Да ви ставиме и ние такса.
Што престојувате,што работите и ни ја земате работата.
И вие не трошите во нашиот град.Зимно време носите зимница, тегли ајвар, туршија и печени пиперки.На лето се враќате во вашите градови и пак не трошите тука.
Само за Вас лебот ќе биде 99 денари, бидејќи само него го купувате во скопските продавници.
На секој кој не од овој град сакам да се воведе такса од 1000 денари.
Излезот ви е бесплатен, само не се враќајте,освен ако не се празници и сакате да направите шопинг.