Ова е истинитој причи, шчо ми се имат мене десено. Нишчо немам мамено!
***
Се спремам да правам полнети тиквици,ама немав мелено месо, па морав трчанката до Буњаковец во месара.
- Добар ден.
- Добар ден, повелете!
- Девојче, што ќе прави мајка ти? Да ти дадам говедско мелено, може?
- . Полнети тиквици!Може, ама не од ова меленово, туку сомелете ми некое парче!- уште се чудам зашто не телешко, туку говедско, ама нема врска.
- Повелете, пријатен дeн.
- Благодарам, пријатно!
Излегувам од месарата и и звонам на мајка ми.
- Мамо, во месара барам мелено телешко, а жената ми вика што ќе прави мајка ти за ручек.Земи говедско.Прво јас ќе готвам, ама ај.А друго, што е разликата меѓу телешко и говедско? ( тазе домаќинкава)
- Елено, не биди толку заспана.Следнот пат кога ќе одиш во месара речи само: дајте ми говедско! Ако сакаш мелено. Телешкото е скапо, и не е да се јаде мелено, туку да го динсташ.
***
Одам во Рамстор да пазарам, и застанувам кај месото, чекам ред.
- Ве услужи некој? - ме прашува едно младо момче
- Не! Дај ми говедско 500 грама, ама сомели ми некое парче и на две места по 250 грама.
- Сакате телешко или јунешко?
( само да ми ја видевте фацата збунета)
- Дечко, дај ми четири кременадли!
No comments:
Post a Comment